Morbus Menière è ina malsogna che chaschuna sturnizis acuts, accumpagnads d’ina sperdita da l’udida e d’in tinnitus. Ils sturnizis duran intginas minutas enfin pliras uras e pon esser accumpagnads d’indispostadads e da vomits.
Consultai Voss spezialist ORL per ina diagnosa exacta.
Las raschuns exactas èn nunenconuschentas. La basa dals sintoms è in augment da la pressiun e dal volumen dals liquids en l’ureglia interna che donnegia las cellas da l’udida e da l’equiliber.
En in’emprima fasa vegn el tractà cun medicaments specifics. Sche quai na tanscha betg per recuperar l’equiliber, vegn la persuna pertutgada operada. Per ordinari resta l’udida en quels cas intacta.
Schaaf, H.: “Morbus Menière”, 2. ediziun actualisada, chasa editura Springer