Tge è ina sperdita andetga da l’udida?
Ina sperdita andetga da l’udida chaschuna ina surdadad unilaterala che po esser accumpagnada d’ina ramur.
Tge èn las raschuns d’ina sperdita andetga da l’udida?
Sco tar il tinnitus n’èn las raschuns era qua betg cleras. Ins suppona ch’i sa tractia d’in disturbi acut da las cellas da l’udida a l’intern da l’ureglia, chaschunà tras in virus, difficultads da la circulaziun dal sang u tras stress. Voss spezialist ORL vegn a far ina diagnosa exacta.
Co vegn tractada ina sperdita andetga da l’udida?
Ina sperdita andetga da l’udida duess vegnir tractada il pli svelt pussaivel da Voss medi da chasa u d’in spezialist ORL. Enfin uss na datti nagina terapia da standard. Il pli savens survegn la persuna pertutgada medicaments che megliereschan la circulaziun dal sang e cortison. La procentuala da las guariziuns spontanas d’ina sperdita andetga da l’udida n’è betg conuschenta.