La Lia Tinnitus Svizra (LTS) è in’organisaziun d’util public che represchenta ils interess da las persunas pertutgadas d’in tinnitus u d’ina sperdita andetga da l’udida.

Ella stat sut il patrunadi da la “pro audito schweiz”, l’organisaziun svizra per persunas cun problems d’udida.

La LTS promova la creaziun da gruppas d’agid a sasez en tut las regiuns da la Svizra ed intermediescha en seminaris a las manadras ed als manaders da gruppa la savida necessaria per ir enturn cun ils differents problems da las persunas pertutgadas.

Ella documentescha ed infurmescha davart dumondas medicinalas, socialas e d’assicuranza en connex cun il tinnitus.

Ultra da quai unescha ella pazients, medis e terapeuts da las pli differentas spartas cun la finamira da meglierar las pussaivladads da tractament, e promova la perscrutaziun a favur da las persunas pertutgadas.

Cun Vossa commembranza gidais Vus la LTS a finanziar sias activitads ed ad indemnisar las persunas che prestan lavur voluntara a favur da l’associaziun.

Ma co pudais Vus profitar persunalmain?

La LTS cusseglia Vus a moda individuala. Ultra da quai organisescha ella sin plaun naziunal e regiunal occurrenzas d’infurmaziun che cumpletteschan las sentupadas da las gruppas d’agid a sasez.